Праект BYHome быў запушчаны RAZAM.CH у лістападзе 2020 гады.

Глыбокі палітычны крызіс пачаўся ў Беларусі ў жніўні 2020 года, у выніку “скрадзеных” прэзідэнцкіх выбараў. З-за пераследу і рэпрэсій з боку ўрада многія актыўныя пра-дэмакратычна настроеныя людзі былі вымушаны пакінуць сваю краіну, часта разам са сваімі сем’ямі, часам пакідаючы аднаго ці двух членаў сям’і ў Беларусі, зняволеных у турму па палітычных прычынах.

На канец 2021 года колькасць беларусаў, якія перасяліліся па палітычных прычынах у Польшчу, ужо дасягнула 150 тысяч, у Літву – 20 тысяч, а ва Украіну – 50 тысяч.

Беларускія рэлаканты шукаюць любую працу і спрабуюць самастойна адаптавацца да новай жыццёвай сітуацыі. Аднак часта сітуацыя патрабуе фінансавай дапамогі, напрыклад, для пакрыцця выдаткаў на арэнду жылля, асабліва на пачатковым этапе для сем’яў з дзецьмі.

Праект ByHome накіраваны на прадастаўленне сродкаў, якія пакрываюць арэнду жылля на працягу трох месяцаў з магчымым падаўжэннем да шасці месяцаў ці да таго часу, пакуль падтрымліваемая сям’я не знойдзе свою уласную стабільную і дастатковую крыніцу даходу.

Дзякуючы рэгулярным і разавым унёскам ахвярадаўцаў праекту BYHome мы ўжо змаглі дапамагчы 73 сем’ям з дзецьмі ад 0 да 18 гадоў, у асноўным у Польшчы.

Мы ўстанавілі прамыя кантакты з усімі гэтымі сем’ямі і таму можам неадкладна адсочваць змены ў іх сітуацыі і прымаць рашэнні аб працягу або спыненні нашай фінансавай падтрымкі. З-за небяспекі далейшага пераследу мы стараемся не выдаваць імёны і фатаграфіі большасці ўдзельнікаў нашага праекта.

Нашым партнёрам па праекце ў Польшчы з’яўляецца фонд HUMANOSH. Фонд займаецца пошукам жылля, заключэннем дагавораў арэнды і арганізацыяй мэтавых грашовых пераводаў ад RAZAM.CH.

Мы ўдзячныя нашым пастаянным папячыцелям і тым, хто робіць разавыя ахвяраванні.

Разам мы зможам зрабіць больш!